Խաղողից ստացված հավելանյութերը ակտիվ նյութեր են, որոնք կարող են քայքայել բերանի խոռոչում առկա բակտերիաները: Խաղողի էքստրակտների ազդեցության տակ ատամի էմալի նստվածքը նվազում է 85%-ով: Սև խաղողն ավելի էֆեկտիվ է, իսկ չամիչն օգտակար է լնդերի համար:

Բերանի խոռոչի հիգիենան՝ ատամների բրեկետ–համակարգի առկայության ընթացքում:

Եթե բերանի խոռոչի ամենօրյա հիգիենան նախատեսում է ատամների մաքրում առավոտյան և երեկոյան՝ քնելուց առաջ, ապա բրեկետ-համակարգի առկայության դեպքում դուք ստիպված եք ամեն սնունդ ընդունելուց հետո լավ լվանալ ատամները: Ատամների մաքրման համար ձեզ պետք կգան ատամի հատուկ խոզանակներ : Քանի որ բրեկետների առկայության դեպքում ատամների մաքրման ընթացքը մի փոքր այլ է, քան սովորաբար, ձեր ատամնաբույժը ձեզ անպայման խորհուրդներ կտա:

Ի՞նչ Է կարելի և ի՞նչ է արգելվում ուտել և խմել՝ ատամների բրեկետների առկայության ընթացքում:

Եթե դուք չիպսի, գազավորված ըմպելիքների, պաղպաղակի, ընդեղենի և խրթխրթան ուտելիքների սիրահար եք, ապա ձեզ հոգեպես դժվար կլինի: Սոսինձը, որ բրեկետները պահում է ատամի էմալի վրա, չի հանդուրժում նշված ուտելիքներն ու ըմպելիքները: Բայց, ինչպես ասում են, գեղեցկությունը զոհեր է պահանջում: Ատամների բրեկետներ- համակարգերի պարագայում դրան գումարվում են նաև ծով համբերությունը և ժամանակը:

Որքա՞ն ժամանակ են կրում բրեկետ-համակարգը:

Ատամների բրեկետ-համակարգը, որպես կանոն, կրում են 1.5- 2 տարի սակայն արդյունքն արդարացնում է այդ երկար տևողությունը:

Ցավո՞տ Է արդյոք բրեկետ կրելը

Պետք է նշենք, որ այդ հարցի պատասխանը շատ հարաբերական ու անհատական է: Առաջին մի քանի ամիսներն ատամները կարող են ցավել, կամ կարող եք, պարզապես անհարմարություն զգալ: Բայց այն, որ ձեր ամենամսյա այցն ատամնաբույժի ցավոտ է լինելու, դա փաստ է: Աստիճանաբար ատամները կսկսեն ավելի ու ավելի քիչ ցավել:

Ատամների բրեկետ-համակարգի արդյունքը

Ատամների բրեկետներ- համակարգն արդյունավետ է այնքանով, որ դրա կիրառումից հետո գեղեցիկ ժպիտն ու ճիշտ, համաչափ կցվածքն այլևս իրական կլինեն:

Գազարն օգտակար է ատամների և բերանի խոռոչի համար, այն հեռացնում է ատամի մածուկից կամ սննդից մնացած հետքերը:Գազարը խթանում է թքի արտադրությունը, որն ինքնին ալկալային հիմք ունի և կարգավորում է թթուների առաջացնումն ու կանխարգելում խոռոչներ առաջացնող բակտերիաների տարածումը:  Գազարում պարունակվող հանքանյութերը կանխում են ատամների քայքայումը:  

Ծովամթերքը առողջարար է ատամների համար,քանի որ այն հարուստ է միկրոտարրերով, վիտամիններով,կալցիումով,ֆոսֆորով,ֆտորով,և վիտամին <<B1>> , <<D>> - ով: Ծովամթերքը  կանխում է ատամների և լնդերի հիվանդությունները,ինչպես նաև ոսկրային հյուսվածքի  փխրունությունը:Այս տարրերը  խթանում են լնդերի առողջացմանը,նպաստում ատամների ճիշտ ձևավորմանը:

Մեղրն իր մեջ պարունակում է վիտամին <<B>> և  <<C>>:  Այն  օժտված է  անտիբակտերիալ հատկություններով: Մեղրամոմը օգնում է մաքրել ատամները, ախտահանել բերանի խոռոչը,արդյունավետ բուժում է ստոմատիտը և լորձաթաղանթի բորբոքումները:Մեղրամոմով  բուժում են պարօդոնտոզը,ատամների կարիեսը,լնդերի բորբոքումները:Ըստ փորձագետների այն սակավեցնում է էնզիմների քանակը բերանի խոռոչում,որն էլ  նպաստում է բակտերիաների առաջացմանը:Բացի այդ,մեղրամոմում  հայնտաբերվել են հարյուրավոր  այնպիսի տարրեր որոնք ապահովում են ատամների առողջությունը:

Հետազոտողները պարզել են, որ մաստակ ծամելու միջոցով բերանի խոռոչից կարելի է հեռացնել 100մլն վնասակար բակտերիա, այն էլ ընդամենը 10 րոպեի ընթացքում։Նշվում է, որ մաստակ ծամելը կարող է լինել նույնքան արդյունավետ, որքան ատամների համար նախատեսված հատուկ թելով ատամները մաքրելը։Հետազոտությունը կատարել են Նիդերլանդների Գրոնինգեն համալսարանի հետազոտողները, որը տպագրվել է Plos One ամսագրում։Ըստ հետազոտության, մաստակն արդյունավետորեն գործում է ծամելու առաջին 30 վայրկյանին, որից հետո արդեն նվազում է բակտերիաները «հավաքելու» կարողությունը։Սակայն, սա վերաբերում է միայն շաքար չպարունակող մաստակներին։ Եթե մաստակը պարունակում է շաքար, այն կարող է ունենալ հակառակ արդյունք և սնուցել բակտերիաներին։     

Շոկոլադը, մասնավորապես դառը տեսակը, օգտակար է ատամների և լնդերի համար, նշում են կանադացի ատամնաբույժները: Ցանկացած տեսակի շոկոլադի մեջ պարունակվում են նյութեր, որոնք խոչընդոտում են բերանի խոռոչում մանրէների զարգացմանը և պաշտպանում ատամները կարիեսից: Այն փոքր քանակությամբ հակամանրէական նյութերը, որոնք ի վերջո հայտնվում են պատրաստի շոկոլադե սալիկի մեջ, բավարար են ատամի էմալի վրա շաքարի ունեցած վնասակար ազդեցությունը չեզոքացնելու համար: Սա ապացուցում են ամերիկյան փորձագետները: Նրանք էքսպերիմենտի ընթացքում կերակրել են կենդանիներին կարիես առաջացնող սննդով` պարբերաբար մեջն ավելացնելով կակաո: Պարզվել է, որ այն ատամի մածուկից ոչ պակաս օգնել է փորձարկվող կենդանիներին պահպանել ժանիքները: