Հետազոտողները պարզել են, որ մաստակ ծամելու միջոցով բերանի խոռոչից կարելի է հեռացնել 100մլն վնասակար բակտերիա, այն էլ ընդամենը 10 րոպեի ընթացքում։Նշվում է, որ մաստակ ծամելը կարող է լինել նույնքան արդյունավետ, որքան ատամների համար նախատեսված հատուկ թելով ատամները մաքրելը։Հետազոտությունը կատարել են Նիդերլանդների Գրոնինգեն համալսարանի հետազոտողները, որը տպագրվել է Plos One ամսագրում։Ըստ հետազոտության, մաստակն արդյունավետորեն գործում է ծամելու առաջին 30 վայրկյանին, որից հետո արդեն նվազում է բակտերիաները «հավաքելու» կարողությունը։Սակայն, սա վերաբերում է միայն շաքար չպարունակող մաստակներին։ Եթե մաստակը պարունակում է շաքար, այն կարող է ունենալ հակառակ արդյունք և սնուցել բակտերիաներին։     

Շոկոլադը, մասնավորապես դառը տեսակը, օգտակար է ատամների և լնդերի համար, նշում են կանադացի ատամնաբույժները: Ցանկացած տեսակի շոկոլադի մեջ պարունակվում են նյութեր, որոնք խոչընդոտում են բերանի խոռոչում մանրէների զարգացմանը և պաշտպանում ատամները կարիեսից: Այն փոքր քանակությամբ հակամանրէական նյութերը, որոնք ի վերջո հայտնվում են պատրաստի շոկոլադե սալիկի մեջ, բավարար են ատամի էմալի վրա շաքարի ունեցած վնասակար ազդեցությունը չեզոքացնելու համար: Սա ապացուցում են ամերիկյան փորձագետները: Նրանք էքսպերիմենտի ընթացքում կերակրել են կենդանիներին կարիես առաջացնող սննդով` պարբերաբար մեջն ավելացնելով կակաո: Պարզվել է, որ այն ատամի մածուկից ոչ պակաս օգնել է փորձարկվող կենդանիներին պահպանել ժանիքները:

Ցերկոնե պսակներ

Դիօքսիդ ցերկոնե– Ատամնաշարի պրոթեզավորման համար նախատեսված ժամանակակից նյութերի մեջ լավագույններից մեկն է: Առանց մետաղի կերամիկական պսակ ցերկոնի հիմքի վրա – Սա պրոթեզավորման ամենաժամանակակից միջոցն է,որի առավելություններից մեկն է երկարակեցությունը և էսթետիկությունը:Իր ամրության և ապահովության շնորհիվ այն փոխաբերաբար անվանում են << սպիտակ ոսկի>>,դրա ապացույցն է հանդիսանում ցերկոնե ատամների պատրաստման հատուկ եղանակը,որը կատարվում է հատուկ սարքավորման միջոցով:Կերամիկական պսակը ցիրկոնի հիմքով – սա պրոթեզավորման անփոխարինելի մեթոդ է այն մարդկանց համար,ովքեր ունեն ալերգիկ բարձր ռեակցիա,ավանդական մետաղներից:

Տերևային բանջարեղենները` սնունդը ծամելուց հետո ատամների վրա մնում են միկրոտարրեր, սննդի մնացորդներ, որոնք ունակ են վերացնել բակտերիաները: Բացի այդ բանջարեղենների օգտագործման դեպքում ավելի լավ յուրացվում է կալցիումը, ինչը շատ օգտակար է: Կարելի է ասել, որ այս դեպքերում պարտադիր չէ կաթնամթերքի օգտագործումը հաճախակի դարձնել:

Գիտնականները պարզել են,որ օրեկան 1 բաժակ կանաչ թեյը վերականգնում է մեր ատամների և լնդերի առողջությունը:Կատեխին նյութը որը պարունակվում է կանաչ թեյի մեջ նվազեցնում է լնդերի արյունահոսությունը:Կանաչ թեյը սպանում է բակտերիաները:Թեյի բաղադրության մեջ մտնող ֆլյուրոիդներն ամրացնում են ատամների էմալը:Կանաչ թեյը ունի հակաբակտերիալ հատկություններ,որն էլ կանխում է կարիեսի առաջացումը:

Քունջութն իր բաղադրության մեջ առկա մեծ քանակությամբ կալցիումի շնորհիվ՝ օգտակար է ատամների և ծնոտի համար: Այն կարող եք ավելացնել ամեն տեսակի սուպերի և այլ տեսակի ուտելիքների մեջ:Ամենաշատ կալցիումը պարունակում է քունջութը-1200 միլիգրամ կալցիում 100 գրամ մթերքում:

Մեծ քանակությամբ կալցիում պարունակելու շնորհիվ պանրի եւ կաթնամթերքի այլ տեսակների օգտագործումը դրական ազդեցություն է ունենում Ձեր ատամների վրա։Կալցիումը շատ կարեւոր է ոսկորների ու ատամների ամրացման համար, եւ այն կանխում է ոսկրային զանգվածի կորուստը։ Կաթնամթերքի մեջ առկա կաթնաթթուն ամրացնում է ատամի էմալը եւ պաշտպանում ատամը փտախտից։Կաթնամթերքը պարունակում է երկաթ, վիտամիններ:Եթե առկա է տհաճ հոտ, ապա դա նշան է ատամների ոսկրափուտի կամ լնդերի հիվանդության: Բերանի տհաճ հոտն անցկացնելու համար օգտակար են հատկապես պանիրն ու յոգուրտը:Կաթնամթերքի մեջ պարունակվող մեծ քանակությամբ կալցիումը, կարող է հանգստացնել գլխացավը: Բժիշկների պնդմամբ գլխացավի հիմնական պատճառներից մեկը օրգանիզմում կալցիումի պակասն է: Կաթնամթերքը ցանկացած տարիքում անհրաժեշտ է օրգանիզմի բնականոն գործունեության համար:Մեկ բաժակ կաթը (250 մլ) պարունակում է 295 մգ կալցիում, մեկ կտոր (20 մգ) լոռի կամ չանախ պանիրը` 150 մգ: Այսպիսով, 2 բաժակ կաթն ու երկու կտոր պանիրը բավարարում են կալցիումի օրվա պահանջը, որը կազմում է օրական 800 մգ: