Մեծ քանակությամբ կալցիում պարունակելու շնորհիվ պանրի եւ կաթնամթերքի այլ տեսակների օգտագործումը դրական ազդեցություն է ունենում Ձեր ատամների վրա։Կալցիումը շատ կարեւոր է ոսկորների ու ատամների ամրացման համար, եւ այն կանխում է ոսկրային զանգվածի կորուստը։ Կաթնամթերքի մեջ առկա կաթնաթթուն ամրացնում է ատամի էմալը եւ պաշտպանում ատամը փտախտից։Կաթնամթերքը պարունակում է երկաթ, վիտամիններ:Եթե առկա է տհաճ հոտ, ապա դա նշան է ատամների ոսկրափուտի կամ լնդերի հիվանդության: Բերանի տհաճ հոտն անցկացնելու համար օգտակար են հատկապես պանիրն ու յոգուրտը:Կաթնամթերքի մեջ պարունակվող մեծ քանակությամբ կալցիումը, կարող է հանգստացնել գլխացավը: Բժիշկների պնդմամբ գլխացավի հիմնական պատճառներից մեկը օրգանիզմում կալցիումի պակասն է: Կաթնամթերքը ցանկացած տարիքում անհրաժեշտ է օրգանիզմի բնականոն գործունեության համար:Մեկ բաժակ կաթը (250 մլ) պարունակում է 295 մգ կալցիում, մեկ կտոր (20 մգ) լոռի կամ չանախ պանիրը` 150 մգ: Այսպիսով, 2 բաժակ կաթն ու երկու կտոր պանիրը բավարարում են կալցիումի օրվա պահանջը, որը կազմում է օրական 800 մգ:

Մեզ բոլորիս հայտնի է,որ կիվին իր մեջ պարունակում է մեծ քանակությամբ վիտամին <<C>> որը ամրացնում է լնդերը և կանխարգելում բորբոքումները:<<C>> վիտամինի պակասի դեպքում կոլագենների քանակը կտրուկ իջնում է,իսկ դա նշանակում է,որ բերանի խոռոչի հյուսվածքները դադարում են պայքարել բակտերիաների դեմ,որի հետևանքով լնդերը սկսում են արյունահոսել և դրանից հետո ձևավորվում է պարօդոնտոզ:Մեկ կիվին ապահովում է օրգանիզմի կողմից  օրեկան պահանջվելիք <<C>> վիտամինի քանակը:

C վիտամինի բարձր պարունակության շնորհիվ ելակը ոչնչացնում է ատամնափառը:Լավ արդյունքի հասնելու համար կարելի է տրորել ելակը,ավելացնել քիչ քանակությամբ սոդա և մանրակրկիտ խառնել,որից հետո այդ խառնուրդը քսել ատամներին,պահել 5 րոպե,այնուհետև լվանալ և ողողել բերանի խոռոչը:Ատամնափառից լիարժեք ձերբազատվելու համար այս գործողությունը պետք է կատարել շաբաթը մեկ անգամ:

Բրոկոլի- Այս բանջարեղենը պարունակում է մեծ քանակությամբ վիտամին K, վիտամին C, կալցիում և ֆոսֆոր, որոնք բոլորն էլ անհրաժեշտ են բերանի խոռոչի առողջության համար:

                                          Ատամների խնամք հատուկ թելի միջոցով
Առողջ ատամներ ունենալու համար հարկավոր է Ձեր և ստոմատոլոգի միասնական աշխատանքը:
Հատուկ թելի միջոցով կարող եք հեռացնել ատամնափառը և մանրէները, որոնք անհնար չէ հեռացնել ատամի խոզանակի միջոցով: Եթե Դուք թելով չեք մաքրում ատամները, ապա չեք մաքրում Ձեր ատամների մակերեսի ավելի քան մեկ երրորդ մասը: Ատամնափառը լնդային հիվանդությունների հիմնական պատճառներից մեկն է: Այն անտեսանելի բակտերիաներով լի թաղանթ է, որն օրեցօր զարգանում է Ձեր ատամների վրա:
24-ից 36 ժամվա ընթացքում թաղանթը կոշտանալով վերածվում է ատամնաքարի (որը կոչվում է նաև calculus` քար), որը հնարավոր է հեռացնել միայն մասնագիտական մաքրման միջոցով: Օրվա ընթացքում առնվազն մեկ անգամ թելով մաքրեք ատամները, և ատամնափառը երբեք չի վերածվի ատամնաքարերի: Ամենօրյա ատամների թելով մաքրումը սովորություն կդառնա, եթե Դուք Ձեր ատամները մաքրեք, օրինակ, հեռուստացույց դիտելիս կամ երաժշտություն լսելիս: 

Ինչպե՞ս մաքրել ատամները հատուկ թելի միջոցով

Քայլ 1-ին
Թելի երկարությունը պետք է հավասար լինի
ձեռքի դաստակից մինչև ուս ընկած հեռավորությանը:Փաթաթեք այն Ձեր ցուցամատին և
միջնամատին` ձեռքերի միջև հեռավորությունը
թողնելով մոտավորապես 5-6 սմ:
Քայլ 2-րդ
Թելն անցկացրեք ատամների արանքը`
նրան զգուշությամբ տալով "C"-ի ձև:
Երկուսից երեք անգամ ատամները
մաքրեք հիմքից մինչև ծայր:
Քայլ 3-րդ
Համոզվեք, որ ատամի երկու կողմերն էլ մաքրվել են: Չմոռանաք ծամիչ ատամների ետևի հատվածի մասին: Պարբերաբար փոխեք թելի աշխատող հատվածը, քանի որ նրա վրա են հավաքվում ատամների արանքում առկա մնացորդները:
Քայլ 4-րդ
Ատամները թելով մաքրելուց հետո
դրանք մաքրեք խոզանակով: Սա ատամների
փչացման կանխարգելման և լնդային
հիվանդություններից խուսափելու
արդյունավետ մեթոդ է:
Հատուկ թելով մաքրման հետևանքով առաջացած խնդիրները և դրանց լուծումները
Առաջին անգամ ատամները թելով մաքրելիս երբեմն լնդերն արնահոսում են: Սովորաբար արնահոսությունը դադարում է մի քանի օր անց: Եթե արնահոսությունը չի դադարում, դիմեք Ձեր ստոմատոլոգին: Թելը կարող է կտրվել, եթե այն դիպչի հին լիցքին կամ ատամի անհարթ ծայրին:

Ցուցումներ ատամների իմպլանտացիայի համար.

Մեկ և մի քանի ատամների կորուստի դեպքում,ժամանակի ընթացքում ոսկրային հյուսվածքը քայքայվում է,ինչը հանգեցնում է դիմածնոտային համակարգի դեֆորմացիայի:Իմպլանտանտները որպես բնական ատամի արմատ ծառայում են հուսալի հենարան ոսկրային հյուսվածքի համար:Յուրաքանչյուր մարդ,որը կորցրել է մեկ կամ մի քանի ատամ որոշակի վնասվածքի,հիվանդության կամ ատամի քայաքայման պատճառով,միանշանակ հանդիսանում է ատամի իմպլանտ կրելու թեկնածու:Տարեց մարդիկ ևս կարող են իմպլանտ կրել,քանի որ իմպլանտացիան կատարվում է հաշվի առնելով առողջական վիճակը,այլ ոչ թե տարիքը:

Իմպլանտվորումը իրականացվում է իմպլանտոլոգի մանրակրկիտ հետազոտությունից հետո:

Իմպլանտացիայի առավելությունները.

1.Գեղեցիկ կոսմետիկ արդյունք

2.Կարևոր ֆիզիոլոգիական հատկանիշների վերականգնում

3.Ատամների բացակայության նեգատիվ հետևանքների կանխարգելում

Իմպլանտանտի տեղադրումը թույլ է տալիս.

1.Վերականգնել բացակա ատամը առանց հարևան ատամները վնասելու

2.Ստեղծել հավելյալ հենարան և տեղադրել ոչ շարժական պրոթեզ

3.Ստեղծել հավելյալ հենարան պրոթեզի ֆիքսացիան ամրացնելու համար

                               Ատամնաբույժի խորհուրդները:ատամի մածուկ ենք ընտրում

Ատամների գեղեցկությունը ենթադրում է ոչ միայն ճերմակ ատամներ, այլեւ առողջ լնդեր, ամուր էմալ: Բերանի խոռոչի խնամքի հարցում կարեւոր դեր ունի նաեւ ատամի մածուկը: Ինչպե՞ս ճիշտ մածուկ ընտրել:

«Ատամի մածուկն ընտրում են անհատականորեն՝ կախված դրա բուժական-կանխարգելիչ հատկություններից, ատամների եւ լնդերի վիճակից:

Ատամի ամուր հյուսվածքների բարձր զգայունության պարագայում հարկավոր է օգտագործել կալցիումի գլիցերոֆոսֆատ, ստրոնցիումի քլորիդ, ամոնիի լակտատ պարունակող, ինչպես նաեւ այնպիսի մածուկներ, որոնք ցածր հղկող հատկություն ունեն (OralB-sensitive, Սենսոդին, Սեկլոդին F՝ զգայուն ատամների համար):

Լնդերի պարոդոնտոզի եւ արյունահոսության դեպքում նախընտրելի են մածուկները, որոնք պարունակում են դեղաբույսեր, աղեր, հորմոններ, վիտամիններ, հակամանրէային միջոցներ, ֆերմենտներ (Colgate total,Лакалют,Эльгидиум, Лесной бальзам, Кедровый бальзам, Лесная, EL-cemed, խոտաբույսերի էքստրակտով Силка, Colgate Herbal):

Կարիեսի դեմ ազդում են կալցիում եւ ֆտոր պարունակող ատամի մածուկները: Շատերը տարբեր բաղադրիչների մի ամբողջ համալիր են պարունակում: