Դուք որքան շուտ ուշադրություն դարձնեք ձեր ատամնակծվածքին և ատամների վիճակին, այնքան ավելի դյուրին կլինի շտկել ատամնաշարի զարգացման բազմաթիվ խախտումներ: Տարիքի հետ ատամների շարժականությունը դառնում է զգալիորեն պակաս, այդ պատճառով էլ շատ միջոցներ, որ օգտագործվում են օրթոդոնտիայում, դառնում են անարդյունավետ: Որպես ապարատներ, որոնք օրթոդոնտիայում օգտագործվում են կծվածքի շտկման և ատամների հավասարեցման համար, օրթոդոնտը Ձեզ կառաջարկի բրեկետներ կամ շարժական օրթոդոնտիկ ապարատներ` թիթեղներ: Ստեղծվում են իրավիճակներ, երբ այս կամ այն կառույցը արդյունավետ չի լինում իր յուրահատկության պատճառով: Որոշ դեպքերում լավագույն ընտրությունը ոչ շարժական բրեկետներն են, այլ դեպքերում` շարժական թիթեղները:

Շարժական օրթոդոնտիկ թիթեղներն իրենցից ներկայացնում են պլաստմասե հիմք և նրա մեջ եփված պտուտակներ, զսպանակներ, լարային տարրեր, որոնք իրականացնում են ատամների շարժը: Թիթեղները լինում են միածնոտային (դրանք կրում են գործնականում մշտական` օրվա մեջ 20-24 ժամ) և երկծնոտային (նախատեսված են տանը և գիշերային ժամերին կրելու համար):

Պարոդոնտի հիվանդությունները վերաբերում են առավել տարածվածների թվին:
Ինչպիսին են հիվանդության հիմնական ախտանշանները
- լնդերի արյունահոսություն, կարմրություն, այտուցվածություն, ձևախեղումներ, որոնք ուղեկցվում են ցավով, էսթետիկական առումով ստեղծում խնդիրներ, որոնք նկատելի են խոսելու, ժպտալու ժամանակ
- ատամների շարժունություն
- տհաճ հոտ բերանից
Այցելուների մոտ այն կարծիքը կա, թե պարոդոնտի հիվանդություններն անհնար է բուժել, և ժամանակի հետ ատամների կորստից խուսափել չես կարող: Պարոդոնտիտն ընթանում է մի քանի փուլերով, և ինչքան շուտ է սկսված բուժումը, այնքան այցելուն ավելի մեծ շանսեր ունի կայունացնել վիճակը և կանխել ատամների կորուստը: Ցանկացած հիվանդություն ավելի լավ է կանխել, քան բուժել: Դրա համար էլ ամենագլխավոր խորհուրդը, որը կօգնի պահպանել բերանի խոռոչի առողջությունը, այս է պարոդոնտի հիվանդության թեկուզև մեկ նշանի ի հայտ գալիս դիմեք մասնագետին խորհրդատվության համար:

Invisalign takes a modern approach to straightening teeth, using a custom-made series of aligners created for you and only you. These aligner trays are made of smooth, comfortable and virtually invisible plastic that you wear over your teeth. Wearing the aligners will gradually and gently shift your teeth into place, based on the exact movements your dentist or orthodontist plans out for you. There are no metal brackets to attach and no wires to tighten. You just pop in a new set of aligners approximately every two weeks, until your treatment is complete. You’ll achieve a great smile with little interference in your daily life. The best part about the whole process is that most people won't even know you're straightening your teeth.

ԻՆՎԻԶԻԼԱՅՆ
Invisalign-ը մի համակարգ է, որը ձեզ կպարգևի ձեր երազած գեղեցիկ, ուղիղ ատամները`առանց բրեկետների: Որպեսզի համոզվեք արդյոք Invisalign-ը ցուցված է ձեզ, խորհրդակցեք ձեր բժշկի հետ:

Ինչ է սա?

Invisalign-ը անտեսանելի, շարժական և հարմարավետ կապպաների համակարգ է, որը բացարձակ աննկատ է, այնպես որ դուք կարող եք ավելի շատ ժպտալ բուժման ընթացքում, ինչպես նաև բուժումից հետո: Invisalign-ը պատրաստվում է 3D համակարգչային մոդելավորման տեխնոլոգիայով, նրա էֆեկտիվությունը ապացուցված է:
Դուք կարող եք բուժման ընթացքում ուտել և խմել այն ամենը, ինչ կկամենաք: Շարժական լինելու շնորհիվ բերանի խոռոչի հիգիենան ձեզ համար պրոբլեմ չի դառնա: Կապպաները շատ հարմարավետ են նաև այն պատճառով, որ մետաղական տարրեր չեն պարունակում և բուժման ընթացքում լորձաթաղանթի գրգռում չեն առաջացնի: Invisalign-ը ձեզ հնարավորություն է տալիս ձեր բուժման սկզբում արդեն տեսնել, թե ինչպիսին է լինելու ձեր ժպիտը բուժման վերջում, քանի որ ձեր ձեռքի տակ դուք ունեք բուժման վիրտուալ պլանը:
Դուք պետք է կրեք թափանցիկ կապպաներից յուրաքանչյուրը մոտավորապես երկու շաբաթ`դրանք հանելով միայն ուտելիս, խմելիս և ատամներն ու կապպաները մաքրելիս: Երբ դուք փոխարինում եք յուրաքանչյուր կապպան հաջորդով, ձեր ատամները քիչ-քիչ, շաբաթների ընթացքում ուղղվում են մինչև նախապես ծրագրված վերջնական դիրք: Դուք պետք է յուրաքանչյուր վեց շաբաթը մեկ այցելեք մեզ` համոզվելու համար, որ ամեն ինչ ըստ պլանի է ընթանում: Ընդհանուր բուժման տևողությունը տատանվում է 9-15 ամիս, իսկ կապպաների ընդհանուր թիվը `18-30 հատ, այս երկու ցուցանիշներն էլ կախված են կոնկրետ դեպքից:

Ատամների խնամք հատուկ թելի միջոցով

Առողջ ատամներ ունենալու համար հարկավոր է Ձեր և ստոմատոլոգի միասնական աշխատանքը:
Հատուկ թելի միջոցով կարող եք հեռացնել ատամնափառը և մանրէները, որոնք անհնար է հեռացնել ատամի խոզանակի միջոցով: Եթե Դուք թելով չեք մաքրում ատամները, ապա չեք մաքրում Ձեր ատամների մակերեսի ավելի քան մեկ երրորդ մասը: Ատամնափառը լնդային հիվանդությունների հիմնական պատճառներից մեկն է: Այն անտեսանելի բակտերիաներով լի թաղանթ է, որն օրեցօր զարգանում է Ձեր ատամների վրա:
24-ից 36 ժամվա ընթացքում թաղանթը կոշտանալով վերածվում է ատամնաքարի (որը կոչվում է նաև calculus` քար), որը հնարավոր է հեռացնել միայն մասնագիտական մաքրման միջոցով: Օրվա ընթացքում առնվազն մեկ անգամ թելով մաքրեք ատամները, և ատամնափառը երբեք չի վերածվի ատամնաքարերի: Ամենօրյա ատամների թելով մաքրումը սովորություն կդառնա, եթե Դուք Ձեր ատամները մաքրեք, օրինակ, հեռուստացույց դիտելիս կամ երաժշտություն լսելիս:

Ինչպե՞ս մաքրել ատամները հատուկ թելի միջոցով

Քայլ 1-ին
Թելի երկարությունը պետք է հավասար լինի
ձեռքի դաստակից մինչև ուս ընկած հեռավորությանը:Փաթաթեք այն Ձեր ցուցամատին և
միջնամատին` ձեռքերի միջև հեռավորությունը
թողնելով մոտավորապես 5-6 սմ:

Քայլ 2-րդ
Թելն անցկացրեք ատամների արանքը`
նրան զգուշությամբ տալով "C"-ի ձև:
Երկուսից երեք անգամ ատամները
մաքրեք հիմքից մինչև ծայր:

Քայլ 3-րդ
Համոզվեք, որ ատամի երկու կողմերն էլ մաքրվել են: Չմոռանաք ծամիչ ատամների ետևի հատվածի մասին: Պարբերաբար փոխեք թելի աշխատող հատվածը, քանի որ նրա վրա են հավաքվում ատամների արանքում առկա մնացորդները:

Քայլ 4-րդ
Ատամները թելով մաքրելուց հետո
դրանք մաքրեք խոզանակով: Սա ատամների
փչացման կանխարգելման և լնդային
հիվանդություններից խուսափելու
արդյունավետ մեթոդ է:

Հատուկ թելով մաքրման հետևանքով առաջացած խնդիրները և դրանց լուծումները
Առաջին անգամ ատամները թելով մաքրելիս երբեմն լնդերն արնահոսում են: Սովորաբար արնահոսությունը դադարում է մի քանի օր անց: Եթե արնահոսությունը չի դադարում, դիմեք Ձեր ստոմատոլոգին: Թելը կարող է կտրվել, եթե այն դիպչի հին լիցքին կամ ատամի անհարթ ծայրին:

Ոչ ճիշտ տեղադրված ատամների շտկմամբ և ատամնակծվածքի ուղղմամբ զբաղվում է օրթոդոնտիան (հունարենից բառացի թարգմանությամբ` «հավասար ատամ»)։ Բրեկետները (բրեկետ-համակարգը) փոքրիկ փականի տեսքով հնարամիտ հարմարանքներ են, որոնք ունակ են աստիճանաբար շտկել ատամնաշարը, դրանով իսկ ուղղել ատամների կծվածքը: Բրեկետները ատամներին ֆիքսվում են հատուկ նյութի օգնությամբ, ատամի ներքին կամ արտաքին մակերեսին: Ատամնաշարի վիճակից կախվածած բրեկետները կրում են 1-3 տարի, բուժող բժշկի մշտական հսկողության ներքո: Բրեկետների կրումից հետո ստացված արդյունքի ամրապնդման համար անհրաժեշտ է երկար ժամանակ կրել հատուկ ռետեյներներ: Ընդամենը մեկուկես տարի, և հավասարեցված ատամները մինչև կյանքի վերջը ուրախություն կպատճառեն ձեզ և բարի նախանձի զգացում կառաջացնեն ձեր զրուցակիցների մոտ: Այսօրվա վիճակով գոյություն ունեն բրեկետների մի քանի տեսակներ. 
• Մետաղական բրեկետներ 
• Կերամիկական բրեկետներ 
• Սապֆիրային բրեկետներ
• Լեզվային բրեկետներ

Կիստան առաջացել է հունարեն <<Kystis>> ` պարկ բառից:Ատամի կիստան կամ ծնոտային կիստան դա օրգանիզմի պաշտպանական ռեակցիան է,երբ արմատի միջոցով մանրէներ և բակտերիաներ են ներթափանցում դեպի ծնոտ և առաջանում է բորբոքում:Վարակված հյուսվածքները մահանում են և ծնոտում առաջանում է խոռոչ:Այնուհետև այդ մահացած հյուսվածքի մոտ առաջանում է ամուր ծածկույթ,որը մեկուսացնում է վնասված հյուսվածքները առողջ հյուսվածքներից: