Ինչ է ատամնապրոթեզը:
Ատամնապրոթեզը լինում է շարժական և անշարժ: Շարժական պրոթեզները իրենց հերթին լինում են լրիվ և մասնակի: Ատամնապրոթեզը կենսամեխանիկական միջոց է,որը առավելագույնս համապատասխանում է բնական ատամի չափանիշներին:Պրոթեզավորմամբ զբաղվող բժիշկ-ստոմատոլոգի նպատակն է ոչ միայն փոխարինել բացակայող ատամները,այլև պահպանել մնացածները առավելագույնս երկար ժամանակ:Շատ կարևոր է ճիշտ ընտրություն կատարել ատամների պրոթեզավորման տեխնոլոգիաների այսօրվա բազմազանության մեջ:

Ատամի իմպլանտ:
Ատամի իմպլանտը արհեստականորեն պատրաստված,բազմաֆունկցիոնալ միջոց է,որը օգտագործում են ներդնելով ծնոտոսկրի մեջ,պրոթեզավորման նպատակով:Ներոսկրային իմպլանտները իրենց տեսակով լինում են՝ արմատային,թիթեղային և համակցված:Ամենատարածվածը համարվում է արմատային իմպլանտը,որը կարող է լինել գլանաձև և կոնաձև:Ատամի իմպլանտացիայի ցուցումներն են մեկ կամ մի քանի ատամների բացակայությունը՝տրավմաների կամ մի շարք հիվանդությունների պատճառով:Հակացուցումներն են՝
1.Արյան հիվանդություններ
2.Սրտի իշեմիկ հիվանդություններ
3.Հիպերտոնիա
4.Շաքարային դիաբետ
5.Օնկոլոգիական հիվանդություններ
6.Բնածին կամ ձեռքբերովի կծվածքի արատներ
7.Մինչև 16 տարեկան
8.Տուբերկուլյոզ

Ինչպես է ազդում ատամների բացակայությունը օրգանիզմի վրա:
Ատամների բացակայությունը ազդում է ոչ միայն գեղեցկության այլ նաև ֆունկցիոնալության վրա:Ատամների կարևոր ֆունկցիաներից է սննդի լավ ծամելը:Սնունդը լավ չծամելու դեպքում կարող են առաջանալ մի շարք խնդիրներ կապված ստամոքս-աղիքային տրակտի հետ:Ոչ լիարժեք մարսողությունը կարող է հանգեցնել նրան,որ օրգանիզմին անհրաժեշտ սննդարար նյութերը,վիտամինները և միկրոտարրերը դժվար են յուրացվում:Իհարկե այս ամենը ազդում է մեր դիմադրողականության վրա և առաջանում են մի շարք հիվանդություններ:

Ինչն է վնասում ատամները:
1.Շատ վտանգավոր է ատամների համար գազավորված ըմպելիքների չափից ավել կիրառելը:Գազավորված ըմպելիքներում մի քանի անգամ շատ է շաքարը՝նորմայից,որն էլ քայքայում է ատամի էմալը:
2.Ատամների թշնամին է համարվում շրթունքի և լեզվի փիրսինգը,քանի որ բերանի խոռոչում փիրսինգ հայտնվելուց հետո,մարդկանց մոտ առաջանում է բնական սովորություն կրծել մետաղական հատվածը,իսկ դա վնասում է ատամների էմալը,որն էլ կարող է պատճառ հանդիսանալ ատամների կորուստին:
3.Ատամները վնասում են նաև դոնդողանման կոնֆետները:Դոնդողը միանգամից պատում է ատամները:Իսկ շաքարն ու թթուն,որոնք պարունակվում են դոնդողի մեջ,պարբերաբար շփվում են ատամի էմալի հետ,որն էլ մեծ վնաս է հասցնում ատամներին:

Ատամների և լնդերի խնամք:
Հիվանդ ատամները ինֆեկցիայի աղբյուր են ամբողջ օրգանիզմի համար:Ամեն օր մերսեք լնդերը ցուցամատի բարձիկով:Ատամների և լնդերի ամրության համար առավոտյան ծամեք սխտորի հատիկ,և եթե այս գործողությունը կատարեք ամեն օր,ապա կմոռանաք ատամնաբույժին:Սխտորի և սոխի ծամելը օգնում է բուժել պարոդոնտոզը,իսկ հոտը կարելի է վերացնել,եթե ծամել հնդկական ընկույզ կամ մաղադանոս նաև մեկ բաժակ տաք կաթ:

Մարդ,ով կհիշեցնի ատամների հիգիենայի մասին,կարող է լինել ոչ թե ատամնաբույժ այլ սրտաբան:Բժիշկները հայտնաբերել են հզոր կապ աթերոսկլերոզի և պերիոդոնտիտի միջև:Նրանք զգուշացնում են,որ լնդերի ինֆեկցիաներից կարող է տուժել սիրտը:Միևնույն ժամանակ բերանի խոռոչի հիգիենային հետևելը,թույլ կտա կրճատել աթերոսկլերոզի,ինսուլտի և այլ սրտային հիվանդությունների ռիսկը:Քանի որ աթերոսկլերոզը նույնպես համարվում է բորբոքային գործնթաց,հետևաբար մեր անոթների առողջությունը կախված է ատամների առողջությունից:

Ինչպես ընտրել ճիշտ միջոց բերանի խոռոչի խնամքի համար:
Իհարկե կարևոր է ոչ միայն սովորեցնել ինքդ քեզ և ընտանիքի անդամներին ճիշտ խնամել ատամները և լնդերը,բացի դրանից այդ ամենի համար ընտրել միջոցներ,որոնք կնպաստեն առավելագույն արդյունքի:Ատամի խոզանակի ընտրության հարցում պետք է ուշադրություն դարձնել խոզանակի մազմզուկների տեսակին,այն պետք է հավասար լինի առավելագույն մաքրության համար: Ատամի մածուկի և ողողման հեղուկի հիմնական խնդիրը՝ դա պաշտպանելն է բերանի խոռոչը բակտերիաներից և նստվածքից:Ուշադրություն դարձրեք միջոցի հակաբակտերիալ արդյունավետությանը:Որակյալ ատամի մածուկները և ողողման հեղուկները խոչնդոտում են վնասակար բակտերիաների աճը ավելի քան 12 ժամ:
Խորհուրդ- գնեք ատամի մածուկ և ողողման հեղուկ կլինիկորեն ապացուցված տևողության պաշտպանմամբ (միջինում 12 ժամ տևողությամբ ):